THELLIMI I BASHKËPUNIMIT ME KËSHILLIN E EVROPËS NË FUSHËN E QASJES NË INFORMACIONE

Drejtori i Agjencisë për Mbrojtjen e të Drejtës për Qasje të Lirë në Informacione me Karakter Publik, Petar Gajdov, zhvilloi një takim pune me znj. Merciha Usein nga Këshilli i Evropës.

Gjatë takimit, Drejtori Gajdov e informoi znj. Usein rreth vizitës së fundit studimore në Strasburg, kushtuar shkëmbimit rajonal të përvojave mbi qasjen në informacion në kontekstin e lirisë së shprehjes. Ai paraqiti njohuritë kryesore nga takimet dhe diskutimet me përfaqësues të institucioneve dhe organizatave përkatëse nga rajoni, si dhe me anëtarët e Grupit të Qasjes në Informacion (AIG) të Këshillit të Evropës, si dhe me gjyqtarin Darian Pavli nga Gjykata Evropiane e të Drejtave të Njeriut.

Vëmendje e veçantë iu kushtua promovimit të mëtejshëm të bashkëpunimit në fushën e transparencës, qasjes në informacione me karakter publik dhe zbatimit të standardeve të Konventës së Tromsø-s.

Takimi është një tjetër konfirmim i angazhimit të përbashkët për të shkëmbyer përvoja, për të forcuar kapacitetet institucionale dhe për të promovuar të drejtën e publikut për t’u informuar.