PËRVOJA EVROPIANE DHE BASHKËPUNIMI INSTITUCIONAL NË AVANCIMIN E TË DREJTËS PËR QASJE TË LIRË NË INFORMACIONE (PJESA E PARË)

Në periudhën nga 5 deri më 9 tetor 2026, një delegacion i Agjencisë për Mbrojtjen e të Drejtës për Qasje të Lirë në Informacione me Karakter Publik, i udhëhequr nga Drejtori Petar Gajdov, realizoi një vizitë studimore në Republikën Federale të Gjermanisë, në kuadër të projektit Twinning Light “Mbështetja e Qasjes së Lirë në Informacione”, i financuar nga Bashkimi Evropian, dhe në bashkëpunim me Fondacionin Gjerman për Bashkëpunim Ligjor Ndërkombëtar (IRZ).

Vizita studimore në Erfurt dhe Berlin iu kushtua shkëmbimit të përvojave institucionale, analizës së praktikave evropiane dhe forcimit të kapaciteteve për ushtrimin konsistent dhe efikas të së drejtës për qasje të lirë në informacione me karakter publik.

Në kuadër të programit, u zhvilluan takime pune me institucionet kompetente gjermane në nivel shtetëror dhe federal, një vizitë në Parlamentin e Tyringisë dhe një shkëmbim profesional me përfaqësues të sektorit të shoqërisë civile.

Fokusi i diskutimeve ishte në mekanizmat ligjorë dhe institucionalë për sigurimin e qasjes në informacione, fuqitë mbikëqyrëse dhe këshilluese të institucioneve të pavarura, efikasitetin e procedurave administrative, si dhe metodologjitë për monitorimin dhe vlerësimin e transparencës institucionale.

Me rëndësi të veçantë ishte shqyrtimi krahasues i zgjidhjeve ligjore dhe praktikave institucionale gjermane dhe maqedonase, me theks në identifikimin e modeleve të zbatueshme për përmirësimin e trajtimit të kërkesave për informacion, forcimin e llogaridhënies institucionale dhe përmirësimin e mekanizmave për mbrojtjen e të drejtës së qytetarëve për t’u informuar.

Vizita studimore përfaqëson një kontribut të rëndësishëm në zhvillimin profesional, thellimin e bashkëpunimit dypalësh institucional dhe zhvillimin e mëtejshëm të kapaciteteve të Agjencisë, në përputhje me parimet evropiane të transparencës, llogaridhënies dhe qeverisjes së mirë.

Realizimi efikas i të drejtës në informacione është një parakusht thelbësor për llogaridhënien institucionale, kontrollin demokratik dhe forcimin e besimit publik në institucione.