PËRPARIMI I KAPACITETEVE PROFESIONALE PËR REALIZIM EFEKTIV TË SË DREJTËS PËR QASJE NË INFORMACION

Agjencia për Mbrojtjen e të Drejtës për Qasje të Lirë në Informacionine me Karakter Publik, në bashkëpunim me Këshillin e Evropës, zhvilloi një trajnim profesional kushtuar çështjeve me rëndësi për ushtrimin konsistent dhe efektiv të së drejtës për qasje të lirë në informacione me karakter publik.

Aktiviteti u zbatua në kuadër të projektit “Mbrojtja e Lirisë së Shprehjes dhe Lirisë së Medias në Maqedoninë e Veriut (PRO-FREX)”, si pjesë e programit të përbashkët të Bashkimit Evropian dhe Këshillit të Evropës “Instrumenti Horizontal për Ballkanin Perëndimor dhe Turqinë 2023–2026”.

Trajnimi u hap me fjalimet përshëndetëse nga Drejtori i Agjencisë, Petar Gajdov, dhe Oleg Soldatov, Drejtues i Zyrës së Programit të Këshillit të Evropës në Shkup.

Fokusi ishte në aspektet praktike të zbatimit të standardeve të qasjes në informacione, shkëmbimin e përvojave profesionale dhe përmirësimin e kapaciteteve institucionale për trajtimin e kërkesave për qasje në informacione me karakter publik.

E drejta për qasje në informacione është një komponent thelbësor i operacioneve transparente dhe të përgjegjshme institucionale. Zbatimi i saj efektiv kërkon jo vetëm një kuadër normativ të përshtatshëm, por edhe forcim të vazhdueshëm të njohurive profesionale dhe kapaciteteve praktike të institucioneve.

Përmes bashkëpunimit profesional, shkëmbimit të përvojave dhe përmirësimit të vazhdueshëm të praktikave, Agjencia vazhdon të kontribuojë në zbatimin konsistent të së drejtës për qasje në informacione dhe në standarde më të larta të transparencës dhe llogaridhënies institucionale.