RAPORT I KOMISIONIT EVROPIAN PËR QEVERISJEN E TË DREJTËS PËR VITIN 2024 – KREU PËR SITUATËN ME QEVERISJEN E TË DREJTËS NË MAQEDONINË VERIORE
Raporti i Komisionit Evropian për qeverisjen e të drejtës për vitin 2024 është një sintezë e gjendjes së shtetit ligjor në BE dhe një vlerësim i situatës në çdo shtet anëtar, si dhe në vendet kandidate për anëtarësim në BE. Për herë të parë, Raporti 2024 përfshin gjithashtu kapituj për katër vendet kandidate (Maqedonia e Veriut, Serbia, Mali i Zi dhe Shqipëria).
Rekomandimet e përfshira në këtë raport synojnë të ndihmojnë më tej Shtetet Anëtare në përpjekjet e tyre për të çuar përpara reformat e vazhdueshme dhe për t’i ndihmuar ata të identifikojnë se ku nevojiten përmirësime. Për këtë qëllim, Raporti i qeverisjes së të drejtës për vitin 2024 thekson sa vijon:
“Agjencia për Mbrojtjen e Qasjes së Lirë në Informata me Karakter Publik ofron qasje në informacione me karakter publik si e drejtë e qytetarit e inkorporuar në Kushtetutë dhe akte nënligjore. Përkundër burimeve të kufizuara, Agjencia për Mbrojtjen e Qasjes së Lirë në Informata me Karakter Publik vepron sipas ankesave të parashtruara dhe monitoron poseduesit e informacionit përkundër burimeve të kufizuara.
Mesatarisht, në tre vitet e fundit, poseduesve të informacioneve me karakter publik janë paraqitur 8500 kërkesa në vit. Palët e interesuara kanë shprehur shqetësimin se mbrojtja e të dhënave personale shpesh përdoret si arsye për refuzimin e qasjes në dokumente. Vonesa në marrjen e informacionit është shumë e gjatë, sidomos për gazetarët që punojnë me afate të shkurtra, ndërkohë që administrata publike në praktikë nuk është mjaftueshëm përgjegjëse për ofrimin e qasjes në informacione”.
Agjencia për Mbrojtjen e së Drejtës për Qasje të Lirë në Informacione me Karakter Publik mbetet e përkushtuar në realizimin e kompetencave të saj si afirmuese dhe mbrojtëse e besueshme e së drejtës për qasje të lirë në informacione me karakter publik në drejtim të rritjes së transparencës dhe llogaridhënies së institucioneve dhe lehtësimit të qasjes në informacione me karakter publik.
