ОБУКА НА УЧЕНИЦИТЕ ОД СЕПУГС „ВАСИЛ АНТЕВСКИ-ДРЕН“

Во просториите на Агенцијата за заштита на правото на слободен пристап до информациите од јавен карактер се одржа обука за учениците од паралелката 3-8 од СЕПУГС „Васил Антевски-Дрен“, кои што го слушаат предметот „Прекршоци во постапка пред прекршочниот орган“ во рамките на нивната наставна програма и нивниот наставник Александар Давидовски.

Со цел да им се доближи оваа правна постапка преку искуствата на Прекршочната комисија во Агенцијата, со практични примери се запознаа со начинот на кој се води прекршочната постапка и тоа: кога и зошто може да се покрене прекршочна постапка, кој може да покрене и против кого може да се покрене прекршочна постапка, кои се фазите на прекршочната постапка и сл.

Воедно, учениците беа запознаени со одредбите од законот за СПИЈК, како и за надлежносите на Агенцијата.