14-ТО ИЗДАНИЕ НА МЕЃУНАРОДНАТА КОНФЕРЕНЦИЈА НА КОМЕСАРИ ЗА ИНФОРМАЦИИ

Агенцијата за заштита на правото на слободен пристап до информациите од јавен карактер, претставувана од директорката Пламенка Бојчева, зема активно учество на 14-то издание на Меѓународната конференција на комесари за информации, која се одржа од 19 до 21 јуни 2023 година, во Манила, Филипини.

Покрај остварените бројни средби и размена на искуства и добри практики со претставниците од повеќе земји во светот, Директорката Бојчева учествуваше и како панелист на конференцијата, при што уште еднаш ја афирмираше работата на Агенцијата во оставрувањето на правото на слободен пристап до информациите од јавен карактер и заштитата на јавниот интерес.